【熱血街舞團】陳偉霆鹿晗王嘉爾鬥舞揀卒 宋茜表現佳不讓鬚眉

撰文:
最後更新日期:

內地節目《中國有嘻哈》播出時一度成為熱話,更因有料之人MC Jin的亮相而吸引到不少港人收睇,而同一班底打造嘅新節目《熱血街舞團》今晚便在愛奇藝播出,反應似乎唔錯,一上架就好多人睇。不過,能唔能夠成為經典就仍然係未知之數。

雖然感覺到陳偉霆好緊張,其實都跳得好好。(愛奇藝)

《熱血街舞團》由陳偉霆、鹿晗、王嘉爾和宋茜四位跳得之人擔任「熱血召集人」,其中陳偉霆和宋茜選出30位舞者,與同樣有30位舞者、鹿晗和王嘉爾帶領的戰隊硬撼。而節目組一開始就安排四位導師先表演,讓總共191位頂尖舞者票選最佳戰隊。

鹿晗跳完就話自己好似跳錯舞步。(愛奇藝)

首先表演的陳偉霆就似乎因為太緊張,所以與排舞師Galen Hooks合作跳Contemporary風格舞蹈時就發揮唔到應有水準。之後表演的鹿晗就跳出更複雜的Urban風格舞步,可惜亦係因為緊張關係而爭少少。至於王嘉爾雖然受腰痛、腿部抽筋困擾,但仍然跳得好流暢。四人中跳得最好的是宋茜,完全冇畀同佢一齊跳嘅Miguel Zarate比下去,與對方完全同步無論節奏、力度都掌握得恰到好處。正所謂鹹魚青菜各有口味,經過191位舞者記名投票,鹿晗、王嘉爾加起來獲得較多票數,令他們可以在點兵環節中早陳偉霆、宋茜團隊一個鐘入場「揀卒」。

宋茜表現超水準。(愛奇藝)

喺點兵環節中,鹿晗、王嘉爾兩個好快就揀走咗1998年贏過中國第一屆街舞大賽總決賽排舞冠軍嘅馮正,但到佢哋睇完曾經連續幾年贏Keep On Dancing世界街舞精英挑戰賽Locking組冠軍嘅肖杰後,卻未立即招攬他入隊,冇耐陳偉霆、宋茜就帶走咗佢,搞到鹿晗、王嘉爾後悔莫及。

雖然肖杰好勁,但鹿晗、王嘉爾冇第一時間揀佢,搞到畀陳偉霆、宋茜捷足先登。(愛奇藝)

王爾嘉失望到踎低,邊個叫你第一時間唔揀。(愛奇藝)

而陳偉霆、宋茜就完全唔同,喺揀人方面豪好多,佢哋一早已經想搵跳Hiphop跳得好出色嘅X-Crew入隊,所以入場後就仆住入去搵佢哋,最後仲成隊招攬哂添!去到節目尾聲,一眾觀眾就慘被吊癮,因為突然出現一個名為Solo Buff嘅環節,更出現了一個似乎個個都認得嘅面孔,但鏡頭就完全睇唔到,想睇嘅人真係要等下個禮拜。

陳偉霆一次過要哂X-Crew全隊。(愛奇藝)

宋茜話陳偉霆好衝動,不過佢開心就得。(愛奇藝)

精彩截圖:

+27
+26
+25


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。