【開心速遞】金武安朱凌凌兄弟情令人羨慕 周嘉洛最鍾意搵妹妹呻
撰文：張嘉敏
出版：更新：
當你傷心失戀時會選擇同邊個呻？同屋企人定抑或是同好朋友？早前播出的一集《開心速遞》入面金城安 (周嘉洛飾) 就同他最老友最好兄弟的朱凌凌 (吳偉豪飾) 呻到樹葉都落，反而在家人和其他同學朋友面前就扮無嘢，只有同朱凌凌獨處時，先會表露出自己最真感受，安仔更會持住同朱凌凌好感情，就向對方撒嬌扭計，要對方百般遷就，還點對方替自己做事。觀眾同網民睇完呢集後都紛紛討論兩人在戲中的兄弟情。
兩個戲裡戲外都係好朋友。
現實生活中嘉洛雖然都有一些親如兄弟的好朋友，不過他就甚少會好似安仔對朱凌凌咁樣對自己的好朋友，他說：「我最好兄弟係同行，例如阮政峰、馬貫東，我同朱凌凌都friend，但好少會同佢哋呻感情事，會覺得好尷尬。」嘉洛最佳的傾訴對方竟然是他的細妹：「我同細妹最close，大家年紀相差兩年，由細到大我同細妹咩都講，啱嘴型，佢會畀到意見我，又唔會講畀其他人知，安仔會對朱凌凌做嘅嘢，我都會對我細妹做，佢都會好體諒我，會盡量配合，同佢傾係最舒服嘅。」
周嘉洛喺現實生活中最鍾意搵細妹呻。
佢話細妹就做咗朱凌凌嘅角色。