蔡潔原來係才女 書展準備出原創小說:我鍾意文字

撰文:
最後更新日期:

關於蔡潔,大家最記得係啲咩?係佢喺《香港仔》同曾志偉嘅肉搏戲,定係佢狠飛「男神」王宗堯?相信之後大家會有更多機會認識佢更多,因為佢今日就正式同邵氏兄弟以及星王朝簽約,成為呢兩間公司共同管理嘅藝人,其實都幾肯定佢日後會有更多電視、電影嘅演出。

蔡潔剛剛成為咗邵氏兄弟同星王朝共同管理嘅藝人。(陳順禎攝)

蔡潔接受《香港01》訪問時就指舊公司太陽娛樂好支持佢呢個決定:「佢哋好為我好,所以我好幸運。喺新公司想多拍好嘅作品,會嘗試多啲嘢。(做導演?)我係讀幕後出身,其實嚟緊都會出小說,文字一早寫好,但又想搵插畫師朋友畫插畫,所以就遲咗少少先出到。」

蔡潔話嚟緊會出書,係小說,唔係寫真集。(陳順禎攝)

蔡潔目標係書展時可以出到佢本新書:「雖然一直有Keep住寫故事,但做導演其實好龐大嘅工作,要做就要做好準備,負返個責任,暫時做好演員工作先。(原來你都係才女。)唔好咁講,只係我個人比較靜,鍾意用文字分享自己。」

蔡潔唔敢認自己係才女,淨係話自己係一個鍾意用文字表達自己嘅人。(陳順禎攝)

記者笑指王晶喜歡旗下女藝人拍戲著得少布,問佢制唔制時,她笑住答:「我邊有呢個Quality!每個演員都有自己長處同方向,晶哥、樂小姐(樂易玲)都會幫我搵到個方向,佢哋覺我啱做我就會做。」

蔡潔好相信王晶、樂易玲會幫佢搵到新方向。(陳順禎攝)

+16
+15
+14


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。