【果欄中的江湖大嫂.專訪】楊明5年前臨門被悔婚:係timing問題

撰文:
最後更新日期:

有人話「愛一個、上一課」,瘋狂地愛過卻未能修成正果的,總比開花結果的多。外型一米八三加上大隻身型的楊明在愛情方面理應是手到拿來,2012年原本與前女友Joanna結婚,有指籌備婚禮時意見分歧,最後卻臨門一腳告吹。

直到兩年前,拍攝處境劇《愛.回家》時遇上同劇的港姐莊思明後開始拍拖,提到這段感情他即刻顯露出甜絲絲的樣子,「其實我地合作過100集,但唔係好關事,而個排經常一齊食飯,食飯食多咗咪撻著咗,係咁架喇!正所謂緣分要黎,擋都擋唔住呀嘛!」

攝影:陳順禎

場地:重慶劉一手火鍋

楊明坦言已認定莊思明是結婚對象!(視覺中國)

自從楊明在今年台慶頒獎禮中獲獎後,被不少人追問同女友莊思明何時結婚,楊明坦言已認定莊思明,「始終結婚唔係一個倉卒嘅事,係要鋪排下先嘅。但我地而家目標好清晰,先做好工作,佢仲咁後生都有佢嘅理想,佢而家簽咗公司嘅經理人合約,拍緊兩套劇,所以要暫時放低兒女私情。」

相關文章:

【果欄中的江湖大嫂.專訪】楊明被罰重讀訓練班:慘到想死

去年拍拖一週年他們都有上載慶祝相到社交網,真係Sweet到爆!

提到女友莊思明既生於富裕家庭,父親又是馬來西亞拿督,楊明更被指有望成為拿督8億女婿。問到他對於種種報導會否感到壓力大?楊明直言,「的確佢屋企係好有錢,但佢地屋企人無俾壓力我 ,大家都好friendly。如果要同佢daddy比較當然爭好遠。我自己目標係照顧好屋企人,照顧到佢地已經好有成就感。」

楊明和莊思明感情穩定,不時以情侶檔搵真銀!(視覺中國)

今年37歲的楊明,講到已到適婚年齡,問到父母究竟有無催婚時,他笑言,「成日都催,催到我好少返屋企食飯。呢啲都係要時間,我會問佢地你想我俾多啲錢你地好定結婚好,佢地就話最好兩樣都要啲。我都係想最主要佢地生活無憂,唔洗經常擔心我。」

訪問最後亦有提到五年前與前女友婚事臨門一腳告吹,楊明就認為是timing問題,「有好多人拍10幾年突然話分手,又會有啲人拍幾個月拖就結婚,真係睇timing。我覺得而家係非常OK(指與女友莊思明拍拖) 。」咁現在女友知唔知他之前的感情?他笑言,「我唔知佢知唔知有無上網search,無特別講。結婚真係不能夠太倉卒,要諗得好清楚,希望大家都祝福我。」相信現在的楊明在處理各方面的事情都已經好成熟,希望在不久的將來,可以快點聽到他的婚訊!!

楊明5年前原本與前女友結婚,可惜到最後臨門被悔婚。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。