謝霆鋒的飲食路行得超辛苦：頭4年都沒有一個掌聲
撰文：蘇國豪
出版：更新：
唱得演得又煮得的大廚謝霆鋒超厲害，早前獲邀出席米其林晚宴，為其精心炮製的「玫瑰泡芙」視頻大公開，原來唔講唔知他挑戰整這一款「玫瑰泡芙」，係他以前曾經嘗試失敗過的菜式，今次大膽再挑戰他相當緊張，而且重複試整了十幾次先正式定案，更自爆一開始煮菜時得唔到認同的挫敗感，令他歷歷在目。
謝霆鋒第二次獲邀為米其林準備晚宴。（網上圖片）
今次霆鋒已是第二次為米其林準備晚宴，繼上一次做頭盤後，今次他嘗試整甜品「玫瑰泡芙」，在晚宴之前他用了4日時間準備討論排練走位到上菜的過程，十分認真。見他逐一檢查菜式擺盤，氣氛超緊湊唔講唔知仲以為拍緊《鋒味》，其實呢道菜係他曾經失敗過的菜式，今次再挑戰他超嚴謹，連好友容祖兒走過他都唔知道，仲嘲笑他：「連王菲來了他可能都不知道。」超好笑。
謝霆鋒認真炮製「玫瑰泡芙」。（網上圖片）
玫瑰泡芙。（網上圖片）
超用心整的「玫瑰泡芙」的確獲得大讚，見在場賓客都食得津津有味。其實有今日成績，一路走來他失敗了好多次，轉戰挑戰下廚他一開始受到冷待令他記憶深刻：「我入行的時候，沒有人會覺得我是認真的，頭4年都沒有一個掌聲，你突然間說謝霆鋒是一個會煮飯的人，還出席米其林兩年，沒有人會覺得我是認真的，直到我比別人做得更多。」睇到今日出來的成績獲認同，辛苦絕對是值得。