【翻生武林】TVB武俠片無進步? 姜大衛:而家同拍電影差唔多

撰文:
最後更新日期:

姜大衛(John哥)在50,60年代起就開始涉足香港電影界,尤其是武俠片更是佔了大多數,堪稱是電影電視界的「武林高手」。近期TVB上映中的《翻生武林》,姜大衛同樣飾演「武林高手」,演出實在是不減當年勇。

姜大偉大大話話拍咗40年。(網上圖片)

《翻生武林》可算是近年TVB罕見的武打電視劇,其中最大特色莫過於是劇中甚具懷舊色彩的「we轟轟」特效。姜大偉接受《香港01》訪問時說:「《翻生武林》加咗『we轟轟』之後,都幾有懷舊感覺。其實都幾過癮,有咩經乜經。呢種拍法懷舊得嚟其實都幾新鮮。懷舊得嚟我哋用咗新嘅手法,應該冇乜所謂。」

《翻生武林》「we轟轟」特效其實懷舊得好好笑。(劇照)

【翻生武林】簡慕華離巢北上搵機會:只要自己有價值就有人需要你

【翻生武林】劇集有政治隱喻 隨時由搞笑膠劇變《天與地》神劇

【翻生武林】玉女派美女成群個個等上位 四位弟子邊個最靚?

問到現時千禧年代武俠片與60,70年代武俠片有甚麼不同時,John哥説:「製作方面,而家武俠片多數喺內地拍,香港拍嘅大製作當然愈嚟愈少。但係我睇出面香港電影,小本都有小本拍法。雖然細製作,但係拍出嚟都唔似細製作。電視劇亦都一樣,TVB咁多年都係拍得一模一樣。但係呢幾年已經有改變。例如以前全部都係3部機,企好位講晒對白就得。而家佢哋嘅拍法已經同出面電影拍法差唔多。我哋無論廠景定外景,每一個鏡頭,就算係同樣方向,無論係一大班人定係單頭,燈光全部都唔同。但求出嚟每一場戲或者每個畫面,觀眾睇落都會覺得唔同。」

姜大偉話懷舊特效反而係特色,過癮就得。(黃梓恒攝)

所以將《翻生武林》與「舊陣時」的武俠片相比的話,看似一樣,其實無論製作或後期都有很大改進。「we轟轟」特效其實只是一個向「舊陣時」武俠片致敬的手法。

姜大偉話而家TVB製作已經同電影製作差唔多。(黃梓恒攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。