【逆緣】麥玲玲批今年有喜 林夏薇未有生B計劃：有就當然開心
撰文：陳栢宇
出版：更新：
人妻林夏薇雖然有幸福美滿的婚姻生活，但好多人都覺得佢好似總係爭緊啲嘢咁，就係爭緊個B。今日佢出席無綫新劇《逆緣》記者會時，就同「神之馬壯」黎諾懿齊齊寫個字畀麥玲玲批一批，當玲玲師傅見到個「明」字時，就即刻話：「有日有月，即係會仔女都有，今年、出年會有好消息。」林夏薇聞言即答誦：「承你貴言！」似乎真係好似想生小朋友咁喎！
就係呢個「明」字，令麥玲玲批林夏薇好快有一仔一女。（江智騫攝）
不過，薇薇接受《香港01》訪問就咁講：「其實冇計劃，只係諗住拍完啲劇就多啲時間做其他嘢，依家仲未拍完《十二傳說》，仲要返多個幾星期工，冇時間到屋企有冇地板起咗都唔知。（就算你生都應該會繼續拍戲啦？）未知架，唔想咁早定，好多嘢都係去到嗰個階段先算，我唔鍾意Plan定所有嘢。有小朋友當然會開心，但以我性格應該會畀多啲時間去湊小朋友，都唔想錯過小朋友成長嘅時間。」
雖然冇計劃，但薇薇都好想有小朋友，仲話以佢嘅性格想親力親為湊佢、睇住佢成長。（江智騫攝）
提到薇薇堂哥林峯日前承認與拍拖五年的吳千語分手，她坦言對方沒有同佢講過感情事：「所有嘅嘢都係睇新聞、聽你哋講先知，我都係一個觀眾嚟，同埋我連我老公都唔係成日見！不過作為屋企人，會支持佢嘅選擇，佢緊要佢開心。（有冇擔心過佢唔開心？）見到面都唔覺得佢有嘢，反而佢擔心我拍劇辛苦，因為我之前病咗聲沙沙，『阿妹你好攰喎』咁。（佢冇講新戀情呢？）私人嘢你問返佢啦！」
至於講到堂哥林峯日前認同吳千語分手，薇薇就話對方心情沒有太大變動，仲好關心薇薇會唔會開工開得太辛苦。（江智騫攝）
+2