何超蓮人靚心地更靚 半夜送藥膏打救鍾舒漫

撰文:冼燕珊
出版:更新:
孝順嘅鍾舒漫(Sherman)一心下廚煮菜畀爸爸食,點知唔小心畀油濺到,起咗兩個巨型水泡。(IG圖片)

賭王千金何超蓮出名人靚心地又靚,不僅成日做義工,參與唔同嘅慈善活動,對朋友都一樣係咁關懷。話說鍾舒漫(Sherman)喺IG Po咗佢隻手起咗兩個巨大水泡嘅相,佢話因為想煮飯畀爸爸食,所以唔小心畀油濺到,佢擔心會留疤,所以就喺IG度問大家有咩方法去印。

之後Sherman再喺IG出Po,騷佢退咗水泡嘅手,雖然仲留有一條長而深色嘅疤痕,但Sherman都面帶笑容,仲大讚係超蓮打救佢:「夜媽媽咩都冇嘅時候 @laurinda_ho 9. 9秒九send message俾(畀)我話托朋友比(畀)支藥膏我查(搽)黎(嚟)救命,so sweet!好彩有佢同埋佢傳遞藥俾(畀)我嘅朋友仔咋!依家乖乖地搽藥希望快啲好返!」雖然只係一支藥膏,但係當中表現咗超蓮對朋友嘅重視,一見到朋友有難,即使半夜都幫Sherman張羅藥膏,仲托人拎畀佢,實在很窩心呢!超蓮真係人靚人品好。

真係起晒水泡!
超蓮雖然貴為賭王千金,但人靚心地更靚,成日做義工。(IG圖片)