【VR驅魔人.專訪】王貽興劉翁貼錢拍劇預蝕:要向本土鬼片致敬!

撰文:
最後更新日期:

以鬼為題材的本地製作劇集近年的確買少見少,除了是因為觀眾口味轉變,亦因為這類劇集無法通過內地廣電總局審查,以致難以在內地播出,因賺少了許多「人仔」而變得「冇肉食」。不過,最近就有兩個自認痴線的人無視眼前風險,明知山有虎偏向虎山行般,自編自導自演了20集以鬼為題材、名為《VR驅魔人》的劇集,而這兩位有創意有膽識的仁兄便是王貽興同劉翁(Sunny)。

王貽興、劉翁自編自導自演嘅ViuTV新劇《VR驅魔人》會喺3月26號晚10點鐘正式首播。(陳順禎攝)

+5
+4
+3

既然一早預料不能賺錢,又為何有人仲肯投資?原來是因為貽興同Sunny基本上是搏老命去貼錢完成件事,Sunny說:「導演費編劇費演員費我哋都冇收,仲不停貼錢萬歲,其實我哋拍呢套片已經好快樂,如果仲要講搵錢,就真係好過份。」貽興則指資源有限令事情難度更大:「你貼錢做啫,但人哋要搵食,我哋係將熱情同夢想建築喺人地痛苦上,更何況我哋嘅Budget只係得其他嘅嘅三分一。」

王貽興、劉翁兩人為《VR驅魔人》搏老命,不但不收分文,更為做好件事不斷貼錢。(陳順禎攝)

講到劇集中兩人開發了一個聲稱可以見到鬼的VR程式,理應戲中見到鬼都是子虛烏有,所以呢套劇其實或者都可以喺內地播映,但貽興就話劇集裡面嘅鬼有真有假:「最初呢套劇,老細都有少少勸籲話唔好真係有鬼,如果唔係好難賣內地、東南亞,但創作人點都係有少少頑皮嘅,作為一個電視劇,如果集集都知冇鬼就唔好玩,隔一兩集畀隻真鬼你,咁就好玩喇。」

其實投資嘅ViuTV都叫過佢哋唔好放真嘅鬼落套劇度,但創作人點都係有啲頑皮、唔聽話。(陳順禎攝)

其實《VR驅魔人》對貽興、Sunny而言,並不是一套拍得開心好玩的劇集咁簡單,而是一件不做對不起自己的事。Sunny謂:「你見到我哋套精蟲衫就知辛苦啦,三十幾度,成身漿住咁著上去,諗返起都打冷震!但喺香港地,做一件對得住自己嘅事真係好難,好多人每日返工都係做啲對唔住自己嘅事。」貽興則好想透過劇集,令觀眾重拾港人精神:「鬼片唔准有鬼,冇咗個真實性喺度,套劇會有港人嗰種平時蠱蠱惑惑,但去到大是大非時又會有良知,雖然現實裡面未必搵得返呢種港人。」

對佢哋兩個嚟講,呢套劇係唔拍對唔住自己,亦都係有今生冇來世。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。