【金盆𠺘口】黃子華棟篤笑黃牛貴3倍 林子善獲男神送VIP飛好得戚
撰文：梁子健
出版：更新：
奉勸一句，想膜拜黃子華最後一次棟篤笑《金盆𠺘口》的你，卻又苦無撲飛對策，看到這篇文章，你將會葡萄非常，皆因子華神的門票，任你按得鍵盤F5也壞掉N個，也未必能成功訂購，即使今日只是DBS信用卡持有人優先預訂，未到公開發售，但網上經已有黃牛飛的價格出現，網民亦齊齊訴苦買不到票。
子華神的飛，唔係有錢就買到。（網上圖片）
+1
相反，曾在劇集《奸人堅》中，跟黃子華飾演的何其堅搵食的藝人林子善，就成了今天的「人生勝利者」，亦算得上是全城仇視對象，因為本以成功購得兩張《金盆𠺘口》門票的他，不單奢侈地把門票送人，轉個頭更能從子華神手上得到兩張VIP門票！或者從此之後，「羨慕」二字的潮語不再是「葡萄」，改之為「林子善」亦無不可，像「我真係好林子善你呀！」
二人因為劇集《奸人堅》合作而熟稔。（網上圖片）
當大家都為求一票而茶飯不思時，林子善對於自己的走運有以下回應：「我原本買咗兩張，自己俾錢嘅，但有位好friend嘅朋友好想要，所以我讓咗俾佢。之後我聯絡師父（黃子華）經理人睇吓仲有冇飛可以買，呢啲事我唔會煩到師父佢，但經理人都話無晒喇。咁我唯有問吓師父啦，佢話：『傻仔嚟架你，你使咩買飛呀？我留咗兩張VIP俾你，你唔使買啦。』我話想自己買飛支持師父，但他叫我唔好搞啲咁嘅嘢，話預咗我會去睇。直到呢幾日個個都問我攞飛，我話師父自己手頭上嘅飛，上個月開始都無晒喇，所以都幫佢哋唔到。我而家手頭上大大話話有30個人想要飛。」