【果欄中的江湖大嫂】馮盈盈處女劇有改善空間：有啲位睇到好尷尬
撰文：鄺鈺瑩
出版：更新：
馮盈盈透露新劇將會飾演專業人仕。（江會騫攝）
《果欄中的江湖大嫂》全劇演員陳煒、岑麗香、黃浩然、馮盈盈、袁文傑等人今午去到香港仔老人院進行慈善探訪，順勢為劇集造勢。憑小狼女一角而深受觀眾歡迎嘅馮盈盈，為𠱁長者，更在台上更跳了一小段舞，之後又與陳煒等人唱主題曲，令場面十分熱鬧。
馮盈盈同江嘉敏一齊跳舞，唔齊但有青春搭夠。（江智騫攝）
訪問時，馮盈盈指今日只係用了15分鐘在後台練舞，所以會有少許甩漏，她透露之後會在劇中有更完整的跳舞片段，叫大家記得留意。
提到劇集出街後，唔少網民都睇好她會上位，馮盈盈為此感到十分高興。「佢哋咁有把握嘅？我都唔知喎，我覺得呢個角色真係好好又好難得嘅角色，同自己本身有相似的地方，所以消化會更好，但仲有好多位要改善，有啲位睇到都覺得好尷尬、feel到好多沙石。」她亦感謝公司給予機會，並表示會盡力做好。「網民咁贊賞我，即係我有好好把握住機會啦。因為有時就算畀機會你，都未必捉得住，我會解讀為自己真係有努力過，都開心嘅。」
馮盈盈做完《果欄》宣傳後，隔即又要趕返公司開工，好忙。（江智騫攝）