【果欄中的江湖大嫂】岑麗香唔知咩叫MK文化：以前連旺角都未去過
撰文：鄺鈺瑩
出版：更新：
陳煒、黃光亮、黃浩然、岑麗香、馮盈盈及江嘉敏等，到田灣宣傳劇集《果欄中的江湖大嫂》，姍姍來遲的香香表示因為溝通上出錯，所以搞到公司車未有等她就出發，她到場後多番致歉。
香香今日宣傳《果欄》時遲到，她解釋係因為溝通上出錯。（江智騫攝）
香香早前在劇集中以性感小背心示人。（網上截圖）
+15
談到劇集收視好好，香香表示十分高興，問到老公有否觀看，她表示雖然老公未必睇得明，但有她在旁講解所以問題不大。而講到同馮盈盈於劇中嘅一場排球戲，二人在大台的禁色令下仍然可以大騷身材，香香對於「禁色令」呢三個字就似乎唔係好明，經過一輪解釋之後，她傻笑著表示：「咁即係我唔夠性感啦，出到街。其實他們有提議我著三點式，但我著一件頭，因為我怕出唔到街嘛，其實那場戲打排球，所以穿什麼都可以。」禁色令下提議著三點式？到底係工作人員為觀眾著想，定係已忘記有禁令色呢？相信一定係前者。
香香話老公都有睇《果欄》，更笑言睇睇下就會明。（江智騫攝）
而對於馮盈盈於劇中將MK文化發揮的淋漓盡致，問到香香呢位鬼妹仔知唔知MK化文是什麼，她笑言有聽過。「即是旺角style，但自己當時在加拿大，連旺角都未去過，所以無經歷過。」