周杰倫余文樂香港街頭揸AE86現身 唔通翻拍《頭文字D》？
撰文：冼燕珊
出版：更新：
周杰倫日前開完香港「地表最強2」一連10場演唱會之後，馬上又開工！佢昨日現身灣仔，同場仲有余文樂，一行人去咗幫襯華嫂冰室。周董同樂仔13年前合作拍過《頭文字D》，而當日門口又泊咗《頭D》主角嘅愛驅豐田AE86，一度令人懷疑是開拍續集。
周杰倫同余文樂幫襯華嫂冰室，門口仲泊咗部AE86，令人一度以為係開拍《頭文字D》續集。(微博圖片)
《頭文字D》主角嘅愛驅豐田AE86。(微博圖片)
可惜，實情唔係拍續集，而只係拍攝旅遊節目姐。二人喺華嫂邊食邊拍，介紹香港嘅美食同景點。唔知係邊間電視台咁勁，可以請到兩個巨星同場拍節目呢？出街偶遇巨星已經超興奮，同場食飯直頭要尖叫，聽講最後周董同樂仔仲萬歲，請晒全場食客添！
電影《頭文字D》改編自經典同名漫畫，由周杰倫、黃秋生、余文樂和陳冠希等人主演，當年唔止票房大賣，周董亦憑藉該戲拿下香港電影金像獎最佳新演員及金馬獎最佳新人獎！多年來不斷傳出將拍續集，但都只聞樓梯響，今次都係食詐糊，睇嚟Fans又要集氣了！
改編自經典同名漫畫的電影《頭文字D》，由周杰倫、黃秋生、余文樂和陳冠希等人主演，多年前不斷傳出續集消息，但都只聞樓梯響。（電影海報）