【HKTV夢碎】王宗堯期待再與王維基合作：當報恩都一定會幫佢手
撰文：鄺鈺瑩
出版：更新：
港視的開台劇《選戰》起用李心潔、廖啟智、王宗堯做主角，有口碑有收視。（網上圖片）
王維基宣布不再申請免費電視牌照，曾經拍過港視劇集《選戰》、《導火新聞線》等劇集的王宗堯，在接受電話訪問時表示未有感到十分震撼，但仍期望將來王維基重返電視圈時，可以再次交手。「因為知道佢依家大部分商業版圖同時間，都投放在他的購物平台上，知道他對電視的憧憬慢慢減淡了，大家觀看電視的模式這幾年也有所不同，免費電視存在係需要，但對於香港人的影響力來說，位置有所不同，入屋程度也少了。」
王宗堯認為王維基只係暫時離開電視製作，並相信他有日會再次回歸。（資料圖片）
王宗堯對於王維基免費借用其拍攝場地予有意投身電視圈的年輕人，做法非常正確，又指王維基的出現，直接影響了同行。「因為大家都知道香港電視製作好落後，要與外國睇齊，鏡頭、劇本等等要很有要求，我看到未來的形式以短劇為主，係好事，一星期一集，拉長一點去播，對大家都好，因為一套劇投放很多資源，一個月就咁播晒，其實好浪費。一定要多謝王生，很多演員都受惠於他，給了我們大台以外的拍劇機會，在如此優質的平台團結了多人，令人覺得香港也可以有好的創作，有幕後班底返TVB後創作有所不同，如果王生將來有其他的拍劇時候，我相信到時一定有合作機會，就算唔係搵我做重要角色，當作是報恩我也會去幫他忙。」
王宗堯表示好想有機會再同維基合作。