姜麗文齋寫Kpop歌就夠？ 「要唱Oppa Oppa嗰啲咪搞我」
撰文：陳栢宇
出版：更新：
雖然姜麗文（Lesley）都拍過唔少劇，但原來佢之前係冇拍過任何一套無綫嘅劇集。今日，佢就同鄭則仕、邵美琪、黎諾懿同黃智雯等喺將軍澳電視廣播城亮相，為梁材遠監製嘅新劇試造型。問佢第一次喺TVB開劇緊唔緊張？佢接受《香港01》訪問時就咁講：「我恨咗呢個好Tight嘅Schedule好耐！反而我驚我廣東話唔得、講得唔正，所以會做足功課。（哥哥姜文杰、爸爸秦沛有畀貼士？）佢哋話我眼大，所以唔好Over-act、咩戲都用對眼做。」
姜麗文首次拍TVB劇，哥哥姜文杰、爸爸秦沛就叫佢唔好成日用對眼做戲，因為佢本身對眼太大太搶。（黃國立攝）
佢又話逢親拍劇都寫唔到歌：「一來冇時間，二來我嘅心機同一時間只能夠放喺一樣嘢上。（唔理自己音樂事業？）都係拍兩個月啫，16歲寫到依家32歲，我仲有好多存貨。（之後都仲有寫咗嘅Kpop歌出？）有三首，但未透露得，只能講歌手或者組合有男有女。」問會唔會想自己唱Kpop？佢就笑住話唔想試新嘢，作下歌就得：「我喺香港好開心，喺韓國做幕後又好開心，能夠為2PM寫歌、做監製已經好開心，要唱Oppa Oppa嗰啲唔好搞我喇。」
姜麗文話自己唔會唱Kpop，「Oppa Oppa嗰啲」唔好搞佢咁話。（黃國立攝）
+19