【開心速遞】監製林健祥確認會繼續拍落去:將會加但係未知加幾多

撰文:
最後更新日期:

《愛‧回家之開心速遞》收視一路上升,人人都希望它可以可以長拍長有,等觀眾可以繼續感受這種開心的節奏。早前KC歐瑞偉說要離開劇組一段時間,而飾演Bonnie的林凱恩又在劇中分手,連人不禁覺得唔通《開心速遞》就快玩完?因為以前都有講過這部處境劇其實只會拍攝大約300集,如果真有其事,相信不少觀眾會感到失望。

唔通真係玩完?(網上圖片)

不過大家唔使驚喇!事關監製林健祥在接受《香港01》訪問時已經表明,劇集係會繼續添食,他說:「將會加,但係未知加幾多。(450集?)未決定,要等通知。本來最初係去到360集左右,而家蘊釀緊,應該遲吓會公佈。其實處境劇嘅製作都係朝著走嘅,要睇製作期同埋演員配合,有時就算高收視都好喇,演員無期都要停,而家暫時各演員都ok,當然收視都重要喇,出嚟嘅口碑都ok,咁咪繼續落去。」

監製已經確定會繼續拍落去。(梁碧玲攝)

劇集如此成功,當然有好多因素,不過有一堆出位的角色是《開心速遞》的特色,例如KC和Terry這兩舅甥。不過早幾日飾演KC的歐瑞偉竟然在Instagram上post上一張Terry在靈堂捧住KC相的照片,令人猜測唔通KC要死?監製表示:「KC呢,未出街,唔講住,哈哈。係擺晒出嚟㗎喇,大家都問點解會咁,係有條橋係入面,不過唔穿出嚟住。」

唔通KC係假死?(網上圖片)

除了KC和Terry,劇中還有幾對情侶也是特別搶眼,送水輝大小姐、Mandy博士、心如池子孝、安仔Bonnie等,究竟這些情侶檔是否有心編排呢?監製就話:「處境劇有樣好,就係我一直講開嘅朝著走,當去到某個階段覺得唔係咁好喎,或者出嚟嘅反應嘛嘛,我哋會將佢扭一扭。的確有部份情侶檔出嚟嘅反應幾好,劇情又配合到,我哋就會放膽啲寫。」既然有加集數,情侶檔發展又可以繼續落去,相信大家都會好睇到幾對情侶最終會有甚麼結果吧。

監製今次真係好成功。(梁碧玲攝)

《開心速遞》靈魂人物丹爺劉丹要返大陸拍劇?

楊冪劉愷威傳拍《談判官》搵埋老爺加盟? 劉丹回應北上傳聞

【開心速遞】作為處境劇之王 劉丹最深刻係《真情》加場砌低亞視



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。