古巨基大爆TVB第一份糧得＄3500 許文軒：我多你一倍
撰文：冼燕珊
出版：更新：
古巨基近排為咗宣傳紅館演唱會，頻頻現身TVB，繼上次上《流行經典50年》、又客串《愛·回家之開心速遞》，再上埋《東張西望》做主持，今次正常啲，上Big Big Channel接受主持許文軒(Edmond)嘅你問我答環節，其間談到初出茅廬嘅工作經驗，仲大爆喺TVB出嘅第一份糧係幾多錢人工添！
呢排基仔頻頻現身TVB。(影片截圖)
基仔話佢第一份工係貨車跟車工人，當時佢只係一個中三學生，父母想佢體驗吓社會工作，所以安排佢去舅父公司度幫手送貨，至於送咩貨呢？基仔就話係送尿片，佢講起呢件往事，覺得係一件好特別嘅經歷：「感覺好新鮮，因為讀書嘅生活圈子只係朋友，打工可以正式同大人做嘢，當時最期待嘅就係有無貼士。」
講起中學時期嘅工作體驗，基仔話當時感覺好新鮮。（視覺中國）
畢業之後基仔加入TVB，佢話好記得TVB出畀佢嘅第一份糧，「我仲好記得，係3500蚊。」許文軒聽到都忍唔住倒抽一口涼氣，基仔問返佢轉頭：「你第一份糧幾多錢？」許文軒話佢第一份正式出嘅糧都係TVB出畀佢嘅，講出嚟都唔係多基仔好多，「多你一倍，6500蚊。」基仔聽到即刻擺個無奈樣出嚟。不過基仔解釋返，其實當時係讀住藝員訓練班逗呢份，所以都算開心嘅，其實進修有糧出都算係咁。許文軒其後接受訪問，話當年$6500係試用價，之後TVB都有加佢人工。
基仔同許文軒第一份正式嘅糧都係TVB出畀佢哋嘅。（受訪者提供相片）