【婚攝中伏記】影得差過李偲嫣 苦主:識韓文扮韓國攝影師?

撰文:
最後更新日期:

齋諗都諗到,影結婚相係一件苦差嚟,但婚姻係人生大事,正常嚟講就一世人一次,所以辛苦都要影架喇,都係想留返個美好回憶啫。

不過,近日網上就瘋傳一對準新人影婚照嘅中伏經歷,有幾伏?據知就係幫襯咗標榜「韓式風格」婚攝公司,點知最後影出嚟啲相失焦、路人又多又搶鏡、影到新人陰陽面,一邊反光一邊背光,更誇張嘅係準新人更懷疑攝影團隊係識韓文嘅內地人假扮添。

為方便大家了解大致情況,不妨睇睇以下兩張截圖,係「受害者」即準新娘親自開post講述中伏經過。

重點:攝影師似係識講啲韓文扮作韓國人。(網上截圖)

一切都係韓風。應該都係「藝術嘅嘢識條鐵」可以解釋晒。(網上截圖)

「受害者」都唔係齋講無證據架,仲有附帶「出事」嘅婚照俾大家評評究竟係咪堅影得咁差。

位位路人都影得好清楚,唯獨一對新人無對焦,真係笑而不語。(網上截圖)

+2

睇完上述幾張所謂婚照,唔知大家又係咪同網民所講一樣,立即聽到直昇機嘅聲音呢?「伏!伏!伏!伏!伏!伏!伏!」其實香港人要正面啲,唔好成日俾負面情緒影響,反正唔影都影咗,都係一個幾難忘嘅回憶吖,只不過係「痛苦回憶」。

雖則涉事婚攝公司一直強調擺拍、連拍係韓式風格,希望影出新人的自然一面,又講到明後期執相修圖先係韓式婚攝風格的重點同精髓,不過莫講話該對準新人,就連網民見到啲相嘅質素,都好懷疑後製執相可以有幾靚。於是,有啲網民都算唔話得,自發幫呢輯出事婚照盡人士執吓佢。

後續故事就係準新娘質疑攝影師並非韓國人或來自韓國,於是向涉事婚攝公司提出諸如「提出攝影師全名、由韓來港的機票」等證明,不過與準新娘聯絡溝通的職員就似乎……都係自己睇截圖再判斷啦。

+2

BTW,李偲嫣BB同樣都係5月出閣,但佢嘅婚照就好正,建議不妨向佢請教一下。

睇下偲嫣BB張相幾靚,個樣幾enjoy。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。