【丫鬟大聯盟】黃心穎拍劇捱到病狂嘔 返3日工凌晨4點先去急症

撰文:林迅景
出版:更新:
黃心穎今日仲係聲沙沙。(梁碧玲攝)

黃心穎今日拍攝《丫鬟大聯盟》的結局場面,不過她就表示自己的戲份尚餘2個星期工作。早前3月21日,黃心穎在Instagram貼出黑白自拍照,原來她早前身體抱恙。今日黃心穎接受《香港01》訪問時,仍然會有幾聲咳嗽。「我諗我病咗前後都有一個星期。都未試過拍攝期間病得咁嚴重,可能因為長期冇得瞓,抵抗力好低。」

黃心穎幾日前真係病到要睇急症。(網上圖片)

黃心穎:「一開始以為係普通感冒發燒,點知拍拍下頂唔順,開始暈。跟住我就話可唔可以停一停,之後我就直情係叭咗喺地下。跟住我就嘔咗一晚,應該係啲菌入腸,第2日我就真係返唔到外景,之後就再返廠拍,拍完之後就發燒,第2日就失聲,跟住就覺得啲菌去埋隻眼度,因為隻眼開始變細。拍完之後,嗰一晚嘅凌晨4點鐘就終於去咗睇急症。」

黃心穎第一次做女一,梗係出盡全力啦。(梁碧玲攝)

真係聽黃心穎講都覺得辛苦。不過黃心穎就好「敬業樂業」,仲話個個人都係咁,帶病返工其實都係平常事。「因為之後仲有一套劇開,所以就一定要返廠,真係唔可以停。我真係日日都返工,所以呢一刻嘅我已經嘅我係好好壯態。我冇趕可以配音,但係我一定要出現喺個畫面。好無奈,但係我覺得都係一個責任嚟嘅。做得起其中一個主角,就一定要擔得起呢件事。」

+5