【發呆大賽】葉凱銘奪得冠軍　原來係中大心理學研究院嘅研究生

發呆大賽終於有結果喇！47號的葉凱銘奪得冠軍，對於對獎感言，他說：「最主要專注當下，聽吓風聲，會放鬆啲。（有無諗過會得獎？）好驚訝，完全無諗過奪獎，本身都無諗住想贏。前排試過搭車練習，發現都幾困難，平時諗想都會發吓呆。（參加有咩意義？）意義？好玩囉，玩吓喇。贏咗都幾開心，估唔到中環都有個位幾舒服，有草地可以hea吓。（辛唔辛苦？）唔會好辛苦，都係坐喺度hea吓，如果平時個人都hea係唔辛苦。」

原來呢位得獎者係中大心理學研究院的研究生，他表示：「我只係一個小小嘅研究生，我做研究，諗嘢都重要，所以成日都發呆。」他亦都指自己平時都hea開，所以參賽的壓力並不算大，之後他便會得到大賽送出的機票去領獎，順便當去旅行喇，恭喜晒！

冠軍　葉凱銘
亞軍　張苑庭
季軍　黃銘裕
香港站心跳特別獎　吳綺珊