陳康健赤柱玩Busking唱側田名曲　原唱都忍唔住畀Like Jam兩咀

雖然側田好作得好唱得，但係一班香港粉絲都真係餓咗一排，因為佢今年仲未出新曲。唔緊要，想聽佢唱歌嘅朋友除咗可以上網睇舊片外，佢喺半夜都貼咗一段抱住愛犬，喺赤柱睇Busking嘅片段。原來係有街頭歌手唱側田主唱嘅《三十日》，咦，再望望嗰個街頭歌手，原來係《超級巨聲》出身嘅陳康健嚟！見到陳康健唱得咁好，側田忍唔住舉高姆指，仲聽到好技癢，忍唔住行過去唱返兩句：「由這一分鐘我一生就只有你～」好多網友都勁讚話兩日合唱聽到起雞皮，又話結他版嘅《三十日》好正，亦有好多人讚陳康健真係唱得好好，唔知真係一開始以為真係原唱者唱緊。