傳楊千嬅搶《多功能老婆》主角 鄧萃雯霸氣回：要睇劇本啱唔啱我
撰文：李妍樺
出版：更新：
早前楊千嬅17年後強勢回歸TVB拍劇《多功能老婆》，有傳神編劇寶華姐這部戲原本是給鄧萃雯拍的，是千嬅暗搶所得，雯女聽到這個說法覺得哭笑不得：「係唔需要搶，都要睇個劇本啱唔啱我先得，我同寶華姐私底下好熟，有聽過個劇本，套戲叫《多功能老婆》，咁我又唔係老婆，下次開套叫靚女可能先啱我。」
鄧萃雯解釋並沒有被楊千嬅搶角色。（梁碧玲攝）
雯女一直都恨拍廣東話劇，可惜一直未有合適的劇本，因為她對角色有很多要求，比如說現在夫基督徒身分的她，不想角色會給人有不好的影響：「如果你拍咗部好成功嘅劇，個角色其實對觀眾有好大影響，我依家拍劇有好多方便想配合，例如拍檔啊，個角色之前有冇做過，我想有突破，好似之前內地我有演過一個淫婦，佢係富商嘅情婦嚟，反而咁樣我會想去試吓。」
今日鄧萃雯孖住黎耀祥出席活動。（梁碧玲攝）
對劇本要求嚴謹，雯女解釋時不想破壞大家對之前角色的印象：「好似我之前做如妃咁，已經好成功大家都好鍾意，再要超越就好難，（想揀劇本再拎視后？）我唔追求呢啲㗎喇，拍劇係一種享受，以前我咩都接係為生活，要賺錢，依家想抖吓。」
寶華姐回歸無綫，開拍重頭劇《多功能老婆》，最初有傳這部戲原本由鄧萃雯當女主角，惟千嬅暗中搶走，雯女對此哭笑不得：「係唔需要搶，都要睇個劇本啱唔啱我先得，我同寶華姐私底下好熟，有聽過個劇本，套戲叫《多功能老婆》，咁我又唔係老婆，下次開套叫靚女可能先啱我。」（資料圖片）