鄧萃雯聽朋友意見北京試住 結果頂唔順:遇到沙塵暴真係嚇親

撰文:
最後更新日期:

近年鄧萃雯離巢北上拍劇,觀眾都很少可以在電視前面看到她的蹤影,雯女之前就漏口風想回港拍劇,她說:「喺街上面好多人見到我都問我做咩唔拍劇,但我唔係冇拍劇,不過係返咗內地。我都想返香港拍返劇,因為上面拍劇都係配音,劇本係普通話嘅,但我拍嗰陣會自己轉做廣東話,到時後製配音。」

鄧萃雯製享受現在在大陸拍劇的慢節奏生活。(梁碧玲攝)

人人爭住上北上拍劇,內地的環境是否一定比香港優勝呢?未必,雯女就話各有各好:「香港有樣好,就係一定有冷氣,大陸就冇嘅,一係好熱一係好凍,不過所奏就慢啲,依前我喺香港拍劇係瞓都冇得瞓,所以各有各好啦。」

原來鄧萃雯在大陸拍劇的時候也是講廣東話。(梁碧玲攝)

在大陸拍劇未必一定在大陸住,雯女堅持將大本營留守香港,每次拍完劇就會立即搭飛機回香港,「我冇喺大陸住過,或者咁講,冇喺大陸生活過,我拍劇就係劇組度住,我份人好痴家㗎,離開唔到香港。」前幾日還發生了一件搞笑事,雯女有朋友勸她試試在內地住,感受一下,因為在內地生活的話會多點接觸劇本、認識老闆的機會,她憶述:「咁我見朋友一直叫我返北京住,咪試吓囉,點知就遇到沙塵暴,真係嚇親,聽講北京唔常見,咁都畀我遇到,我仲有諗過未經歷過沙塵暴諗住走出去試吓㗎,不過最後當然冇啦。」

沒想到香港拍劇最吸引鄧萃雯的是有冷氣。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。