【流星花園】拍攝145天終殺青 小S圓夢參演:主持同演員大不同

撰文:
最後更新日期:

小S參與電視劇《流星花園》,飾演男主角道明寺家姐。(微博圖片)

自從去年11月宣布重拍經典電視劇《流星花園》後,新F4都係小鮮肉夠高大威猛,新杉菜小優有氣質又可愛,仲特別搵嚟小S徐熙娣參演做道明寺家姐,令大家相當期待。話咁快劇已經拍完,經過145日拍攝,新版《流星花園》已經正式殺青,呢日仲傳出今年暑假上檔播出,相信到時又會掀起一陣煲劇熱潮。

呢日傳出《流星花園》將會喺暑假檔期播出。(微博圖片)

【流星花園】小S飛撲攬新F4 問劇組:有姐弟接吻戲對吧!?

原來當年小S已經好恨參演,等咗十幾年終於俾佢恨到:「終於讓我演到《流星花園》了!不過卻是個配角,但至少是演姐姐,猜我演媽媽的人,我跟你們勢不兩立!」最近小S接受訪問時表示,當年得知大S飾演杉菜相當不服氣:「明明是我愛杉菜、我像杉菜,憑什麼是妳來演。」估唔到一演就成為經典:「直到現在連那些推著輪椅的外傭朋友們看到大S還會『杉菜、杉菜』喊,我才發現威力強大,導致我現在接到戲備感壓力。」

小S入組拍攝第一日就打電話向大S求救:「要有抑揚頓挫的講出來,大S一遍又一遍地重複教我怎麼念那句台詞。」雖然喺演藝圈打滾多年,但呢次演出令小S深深領會到,做主持同演員真係大不同。

同一套劇,大S當年做女主角杉菜,十多年後小S做男主角道明寺姐姐。(小S Facebook)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。