徐天佑keep住操肌唔敢鬆懈:老婆唔想我肌肉變豬肉

撰文:梁子健
出版:更新:

Shine早前於紅館開個唱,兩位型男除衫騷肌展示苦練成果。比起又南泵漲般的肌肥大,小編更愛天佑的鋼條型,一見難忘。因此當得知天佑今午出席腕錶品牌活動時,9秒9舉腳自薦,卻忘了哪有人會在腕錶活動除衫騷肌這麼奇葩,直到到達現場看見天佑時才恍然……

不久前在日本旅遊回來的天佑未見長肉,看來很忍得口。(張嘉敏攝)

由於關心天佑腹部上的巧克力,記者亦單刀直入:「(完咗演唱會後有無鬆懈,排巧克力仲喺唔喺度?)依家都仲有,因為上年開始無乜食肉,食得好清,同埋覺得難得演唱會有機會俾我操咗幾個月,盡量keep住囉,唔可以懶,要重新開始操好辛苦㗎,嗰時真係操到嘔,原來真係會嘔,當你練到好辛苦時仲要夾硬逼,真係會反胃。」

得知天佑辛苦到嘔,粉絲當然會心痛,但想不到天佑老婆卻……

「(老婆有冇心痛?)佢話你快啲keep住啦,繼續操密啲,佢梗係唔想見到我肌肉變豬肉,但佢都會奇怪點解我仲會keep住食白烚無油嘅食物,因為我都想keep住,之前演唱會係鋼條身型,依家想再多啲肌肉,大隻返少少。嚟緊要拍戲呀,如果唔keep成日都開工先臨急抱佛腳嘅話,其實係好辛苦,亦都準備唔切。」天佑說想再大隻啲,不要鋼條,心中一寒oh no﹗

但這大細路忍不了手,足足花費了近二千日元仍未能成功夾走心愛的菲利。(IG截圖)

keep住操肌,練好體能,先可以實行造人大計。「其實我哋都希望喺呢一兩年內成功,但我哋都好忙,佢身體又弱,我都成日叫佢煲多啲湯水調理一下。最大問題都係要夾工作時間啦,因為我哋好少見,我返到屋企佢又出咗去中,而且都要諗定真係有咗小朋友,工作上又點呢?係咪要多啲時間留喺屋企?」

預早考慮先做計畫是需要的,但很多時也是船到橋頭自然直,就好像得知天佑想將鋼條身型練至爆肌大大隻時,也只能自我安慰:「船到橋頭自然直。」

同場出席活動的還有文青系姊妹--蔣雅文與蔣雅詩。 (張嘉敏攝)
你可能感興趣