【逆緣】陳家樂靚仔大隻十足彭于晏 入行15年網友稱一直睇漏眼

撰文:
最後更新日期:

TVB劇集《逆緣》開播,已經引起唔少話題,當中以相隔十年再次效力無綫拍劇嘅陳家樂最多人討論。有網民於討論區開PO,指陳家樂「都幾正,幾靚仔仲幾結實!」,網民還指自己一直睇漏眼,大讚TVB今次搵陳家樂加盟係明智之舉。

網民大讚陳家樂靚仔,仲有幾分似男神彭于晏。(合成圖片)

陳家樂於《逆緣》中飾演飾演一個1940年代嘅人,名為鍾定國,與同為游擊隊成員嘅賈綽(陳山聰飾)經過急凍雪藏後在2018年被解凍並甦醒,係姜大衞嘅父親同黎耀祥嘅爺爺,面對兩個演藝界資深前輩,家樂的壓力不小呢!

陳家樂在《逆緣》中飾演一名40年代的冷凍人,是姜大衞的父親,黎耀祥的爺爺。(IG圖片)

話陳家樂靚仔,相信無乜人有異議,有網民仲話因為佢靚仔所以會追劇,果然有顏值有收視。但論演技,網民嘅反應就出現兩極。有支持者大讚家樂演技好,並話真心覺得佢他日有機會踏上視帝之路添;但亦有網民覺得家樂嘅演技強差人意,進步空間比較大。

對於陳家樂的演技,網民的反應出現兩極。(IG圖片)

由於家樂之前都係拍電影居多,雖然有喺HKTV同港台分別都有參與過唔少劇集演出,但畢竟唔夠入屋,令到網民覺得佢仲係新人,好似發現新大陸咁。其實家樂2003年參加歌唱比賽入行,至今已經15年,不過佢今年只係31歲,個樣又Keep到,難怪啲人覺得佢似新人嘅。

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。