周杰倫拍片親身示範扭氣球狗狗　網民：做你仔女好幸福呀

台灣天王周杰倫有音樂才華就係人都知，原來他做手作仔都有一手，就連扭波都識，即是將氣球扭成公仔造型，他還拍片放上IG親自示範教學，好有理由相信他學識扭波都是為了氹一對仔女開心。雖然他平日工作極忙碌，唔可以時刻都陪住太太同一對小寶貝，不過都成日會花心思去氹家人，見他扭波時成個慈父樣出晒嚟，真係好有愛呀。

片中可見周杰倫拿住一個長條型氣球，好熟手兼且好輕鬆咁扭來扭去，好快就扭出一個狗仔造型的氣球，他仲將氣球Close up讓大家可以睇清楚，成個過程的確是他一手一腳扭出來，絕無假手於人㗎。網友紛紛留言大讚他咩都識，好犀利，仲話他成個廿四孝爹地咁樣，做他的仔女好幸福呀。