Angelababy睇時裝Show都俾人鬧? 疑合照Cut走景甜惹圍攻

撰文:
最後更新日期:

上海時裝周於三月底至四月初舉行,好多亞洲藝人都有飛去上海出席,日前已經圓滿落幕,但係有內地微博自媒體博主依然拿時裝周來大造文章,引起唔少爭議,而今次的話題主角係Angelabay(楊穎)同景甜。

雖然上海時裝周已經圓滿落幕,但Angelababy同景甜出席Dior Show嘅相竟然引起熱議。(合成圖片)

Angelababy同景甜早前分別受邀出席Dior個Fashion Show,同場有劉嘉玲同水原希子等。該位博主分別從Angelababy同景甜嘅微博,抽出佢哋去Dior Show嗰組相嚟發酵話題。該名博主寫道:「baby微博發文卻裁剪掉了景甜,只剩一個手臂。而在景甜的微博裡,唯一一張合照,卻有baby。」此文一出,唔少網民留言大罵Angelabay黑心、壞心眼、人品差,要幾難聽有幾難聽。幸好都有些網民心水清,鬧博主無風起浪,無事生非,捕風捉影,小題大造。

就係這兩張照片引起話題。(上圖:景甜微博照片;下圖:Angelababy微博照片)

景甜微博照片

Angelababy微博照片

睇返Angelababy同景甜上載的照片,兩人都有各自放出一張係佢哋坐喺度睇Show嘅相,兩人中間隔咗陳凱歌次子陳飛宇,Angelababy係打直影的,剛好無影到景甜,只影到佢嘅手臂,而劉嘉玲就有出現在該張相中;而景甜嗰張,就係打橫影的,景甜在正中,剛好影埋baby。其實一切都只是剛好,從呢兩組圖片看來,只能說兩人沒有深交,但談不上係Angelababy故意要將景甜從相片上Cut走,被人咁樣拎出嚟造文章,baby都算冤枉。

Angelababy出席Dior Show的照片。(微博截圖)

+2

景甜出席Dior Show的照片。(微博截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。