【棟仁的時光】生命剩30小時會做啲咩? 胡鴻鈞:約晒啲朋友食飯

撰文:
最後更新日期:

劇集《棟仁的時光》將於本月16號播出,今日(6日)一班演員去到鬧市為新劇宣傳造勢,活動上袁偉豪還同林子善大玩咀咀,場面相當搞笑!胡鴻鈞今次就在劇中扮演一個鐘意發明小玩意的「廢青」,既然套劇同時間有關,不知道Hubert有沒有做過一些浪費時間的事呢?「我覺得嘥時間都係一種經歷嚟嘅,我諗每個人肯定都經過譬如話hea呀,或者唔知自己做緊乜呀,咁但係我亦都覺得反而係經歷過呢啲時間,先知道自己唔可以再虛度光陰,浪費生命。」從錯誤中汲取教訓,就是這樣喇。
 

一班藝員為新劇《棟仁的時光》宣傳造勢,袁偉豪同林子善大玩咀咀。(林迅景攝)

Hubert還透露,自己其實都有過好頹的時候,就算入行之後都曾經歷過一段時間的迷茫,不過正是因為這樣,令他有時間去思考自己的人生,身邊亦有一班親友支持自己,「佢哋都會以過來人身份分享佢哋之前相同嘅經歷,咁我覺得係成件事好似有人明白我喎,即係我唔係孤獨嘅,同埋屋企人嘅支持都好緊要,佢哋慢慢令到我開始會認真去思考下究竟自己得呢條路之後仲有咩行嘅。」所以遇到難題,一定要同身邊的親人同朋友傾訴,慢慢就會找到自己的方向。

胡鴻鈞今次扮演「廢青」小發明家,將以白T加運動褲示人,Hubert對這身樸素的裝扮非常滿意。(林迅景攝)

Hubert現時正積極準備飢饉30演唱會,提到大家都好想看他在台上跳舞,Hubert就表示要點到即止,好的東西要慢慢分享,看來fans都有排望喇。但是如果生命只剩下30小時,Hubert會做什麼呢?「約晒身邊的朋友出嚟食飯,再好好感受下同朋友相處的最後時間。」真是朋友大過天喇!

胡鴻鈞今次扮演「廢青」小發明家,將以白T加運動褲示人,Hubert對這身樸素的裝扮非常滿意。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。