【開心速遞】蘇韻姿拒絕搵現實版池子孝：佢太衝動
撰文：朱奕錦
出版：更新：
蘇韻姿(Andrea)同阮政峰(Hero)兩人在《愛回家之開心速遞》中飾演的熊心如同池子孝愛得甜蜜，成日放閃，大家都希望兩人的愛情可以延續到現實中！點知昨日(5日)就有報導指原來劇中飾演安仔(周嘉洛 飾)女朋友的林凱恩(Iris)才是Hero的真命天女，令唔少網友大歎可惜。而Andrea作為Hero在劇中的另一半，她又知唔知呢?「其實我哋幾個不嬲都有一齊食飯，因為好多時一齊開工嘛，咁當然唔同嘅場口就有唔同嘅配搭囉，即係有時候就係我同安仔，有時候就係我同池子孝，咁有時咁啱夾開邊個可以得閒食飯就邊個食飯，佢哋嘅嘢可能問返佢哋清楚啲。」
TVB為一眾四月生日的藝人舉辦生日會，蘇韻姿亦有到場(黃國立攝)
既然對於池子孝同Bonnie的事，Andrea大耍太極，咁熊心如同池子孝現實中有無可能呢？「多謝大家支持啦，咁我哋做演員，聽到都開心嘅，即係我哋嘅努力大家都感受到，咁我哋會繼續努力㗎啦。」聽到Andrea咁答，相信一班觀眾都會好肉緊兩人會否有機會一齊。
【開心速遞】出道八年靠送水輝上位 許家傑：最緊要係多謝林淑敏
Andrea避而不談同阮政峰有無機會發展，相信觀眾都好肉緊(黃國立攝)
池子孝可能已經有拍拖啦，但Andrea就話佢暫時都會將重心放在工作上，不過緣份嘅嘢有時擋都擋唔住，所以如果有緣，Andrea都會好享受戀愛。咁如果有現實版池子孝出現，Andrea又會不會心動呢：「可能唔會呀，咁衝動去紋個身，好驚喎，萬一有咩事唔知點喎！（但接唔接受到自己男朋友有紋身？）接受到嘅，因為都係一種藝術，我讀大學都係讀一啲arts programme，所以喺呢方面嗰思想都open嘅。」至於在搵男朋友方面，Andrea就表示一定要有上進心，因為現在的社會大家都要努力！嗱，各位男士，識做喇！
Andrea拒絕搵現實版池子孝，對拍拖無特別渴望，有緣即可(黃國立攝)