自從有了P圖技術之後，現今的網絡世界已經變成了一個有圖都未有必真相的年代，不少人都識簡單的P圖，至少識得幫自己張相整下容，修下身，變靚啲真係話咁易。不過講到神級的P圖就唔係個個識，內地有位微博名叫青红造了个白的電影Blogger，就可以改到改到似十足原相咁，他還經常上載自己的改圖作品到微博同大家開心share。

近期他改圖改得最多的就是一眾Marvel以及DC電影中的英雄人物，將雷神、洛基、狼人、神奇女俠、奇異博士、美國隊長以及黑寡婦等，放到一些中國街景或活動中，人同景完全融入埋一齊，例如黑寡婦打麻雀、奇異博士擔菜、手拉油炸鬼、雷神揸煎Pan、洛基孭住甄嬛等等，真係零違和感㗎，仲好搞笑添。網民都激讚呢位Blogger夠晒創意兼改圖技術高超。