李佳芯自稱唔啱同朋友住　因為女神在屋企唔鍾意戴bra？　

李佳芯（Ali)於無綫新劇本《白色強人》中飾演心胸肺外科醫生，劇中與張曦雯、唐詩詠既是同事又是同屋主，感情要好，不過問到現實中可曾與好友租屋住，Ali就話未試過。「我本身好『哩啡』，又有可能喺屋企唔戴bra，所以從未諗過同朋友租屋住。」咁樣講法，應該唔少人都想做Ali同屋主。

提到劇中一幕幕的手術場面，Ali坦言十分怕血，小時候試過因割傷手指，流血搞到休克。「但依家都ok嘅，睇多咗所以唔係好怕。」她又指全劇最難是手術時的手勢，以及醫生的感覺。「專業用語反而唔難，都係靠背，但手勢要模仿都唔易。」Ali又指雖然首次與郭晉安、馬國明合作，但過程愉快，更笑指二人完全是大細路，毫無架子。