【白色強人】郭晉安讚製作認真：每次都有真醫生在場

無綫新劇《白色強人》今午舉行拜神儀式，主角郭晉安、馬國明、唐詩詠等人均有現身。《白》主要圍繞醫生救急扶危的情況，以及探討醫療改革的問題，而搭建出來的廠景十分認真，連郭晉安都大讚道具組有心思。「我哋每次拍手術場面都有真醫生在場提供意見，有似佢哋見到啲心都話好逼真，同埋有時佢哋都會專登留低睇我哋拍。」

安仔之後又透露《白》除了講述救人之外，亦會講到社會問題，而他就是問題的推手。「我會令大家關注全球的醫療問題，希望搵到方案解決，令每個人唔再因為錢而得唔到應有的服務。」談及感情戲時，安仔就話雖然同張曦雯有感情發展，但礙於身分關係而未能好好談情，更叫大家不要期望有激情戲。「會有好多無奈，因為我哋係醫生，大家都只能將情緒收埋以免影響工作，不過護士又真係張配醫生，唔通叫佢嫁病人咩。」

問到安仔拍畢《白》後，是否不再與無綫合作，他就謂：「唔係嘅，邊度有好劇本咪去邊囉。」