鄭欣宜演唱會鄭少秋做嘉賓？ 欣宜：佢都係乖乖哋台下睇我啦！
撰文：賴家杰
出版：更新：
鄭欣宜（Joyce）最近密鑼緊鼓採排，就係咗為自己4月21-22號一連兩晚嘅紅館演唱會，joyce於採排中連續跳咗兩首歌曲，當然完全冇難道，但唔知大家記唔記得之前Joyce隻腳受過傷，她透露：「開頭好擔心但又唔想cut走跳舞呢個環節，結果最初採排時，都將重心放落冇受傷嘅右腳到，搞到初初反而係隻右腳腫。」而家Joyce腳傷初癒反而跳得更出色。
Joyce勁歌熱舞完全冇難度（黃國立）
身為一個表演者，最重要係享受演出時間，Joyce就透露自己由細到大都好鐘意表演同欣賞表演，佢坦言：「雖然每日都要採排，但每日都係一件非常開心嘅事，所以壓力方面自己完全唔識驚。」
Joyce表示今次瘦左十幾磅（黃國立）
每個演唱會大家都好期待演唱會嘉賓，而Joyce就話嘉賓方面想保密下先，但問到會唔會叫爸爸鄭少秋上台做嘉賓，Joyce好大反應叫到：「唔好啦，佢乖乖喺台下睇就好啦，你知架啦佢一上台就有股氣勢，所以佢都係台下睇好啦。」
睇到Joyce係好享受表演每一刻（黃國立）
+2