王力宏網晒爆肌相　怨老婆李靚蕾：要練成怎樣老婆才會注意我？

台灣歌王王力宏今年41歲，但依然keep得好好，佢同老婆李靚蕾結婚5年，仲生咗兩個可愛的囡囡，可能真係已經老夫老妻啦，少咗啲激情，王力宏日前喺社交網站上載咗張相，佢半裸爆肌上身，展現結實胸肌、腹肌、二頭肌同三頭肌，但老婆竟然不為所動，眼尾都唔望一吓，連一代男神都忍唔住感嘆：「要練成怎樣老婆才會注意我？」

王力宏當年同李靚蕾閃婚，不知令幾多女歌迷心碎，妒忌李靚蕾可以獨霸男神，依家男神努力操肌Keep到咁fit，佢竟然視若無睹，淨係掛住望iphone，簡直係暴殄天物！唔通真係學網友話齋，「食得多魚翅都會厭」？王力宏見自己老婆唔識欣賞，咁唯有公諸同好啦，將自己嘅爆肌相放上網，都好嘅，練咗唔好嘥嘛。