Do姐都介紹「緣份扭蛋機」 你抽咗屬於自己嘅「緣份」未？
撰文：賴家杰
出版：更新：
最近網上瘋傳嘅緣份扭蛋機引起網上網民熱話討論，連《Do姐有問題2》都有介紹，吸引唔少網民表示想「衝」過去扭個「緣份」，部機係咪真係咁神奇？大家一齊睇睇！
《Do姐有問題2》都有介紹過。
《香港01》記者去到，當然勁好奇點解會有呢一部緣份扭蛋機嘅出現呢？老闆表示：「其實呢部緣份扭蛋機係見到台灣有先嘅，本身生意又唔係話咁好，所以自己就搞左少少創意出嚟！」
到大家期待抽扭蛋機嘅環節啦，扭蛋機就有兩部，一部抽男性一部抽女性，當然睇下大家嘅興趣係鍾意邊一方面就抽個邊啦，但溫馨提醒大家抽一次要＄20，大家準備好兩個＄10銀仔去抽啦。