【3日2夜．多圖】歐陽巧瑩陳蕊蕊帛琉嬉水　浸牛奶湖好梳乎

無綫剛剛播出的《3日2夜》除了有靚女主持歐陽巧瑩 (Tammy) 帶大家遊帛琉之外，今次仲有帛琉美人魚旅遊大使陳蕊蕊友情客串，蕊蕊更以一個索爆性感美人魚look上陣，好彩Tammy都有着上鮮紅色比堅尼迎戰，先至無被蕊蕊搶了鏡，兩個都各具美態。來到帛琉當然一定唔少得陽光與海灘啦，Tammy就換上多套水着游水潛水兼同海豚玩，成個畫面真係好繽紛。

而扮演美人魚的蕊蕊同樣咁吸睛，一身打扮完全凸顯到她的玲瓏曲線體態美，在水中魚游的姿態真係好誘人。蕊蕊仲帶Tammy一試當地好出名的牛奶浴，兩個靚女去到牛奶湖唔單止浸浴，仲將湖底的白色天然火山泥搽勻全身，連塊面都搽埋，當係mask咁敷。蕊蕊話這些火山泥其實是硫磺，含有豐富礦物質，對皮膚好好㗎，之後兩人就由當地型男導遊Cooper公主抱放入湖中浸泡。觀眾同網民睇完都話呢幕勁養眼，又話好想親手幫她們搽同公主抱喎。