容祖兒唱盡失戀慘歌 一姐自己分手又應該唱咩?

撰文:
最後更新日期:

究竟容祖兒同劉浩龍分手未呢?呢個係一個謎,有粉絲就有mon住Instagram話劉浩龍個個Post都有Like,會唔會係仲有嘢,未分手,咁又未必,因為其實Joey間唔中都仲有Like吓何韻詩嘅Post,所以呢個可能性低啲。不過咁,有媒體就話其實兩個人早就分咗手,只不過Joey唔想大家話劉浩龍搏宣傳,所以一直都冇公開「分訊」。可惜劉浩龍演唱會滯銷,似乎就冇咩幫助,而Joey亦無否認,仲好Happy咁又去一支公旅行又睇演唱會,睇嚟真係「誰都會散/怎知一拍便會散」。

【港女講感情】容祖兒劉浩龍5年戀情告急? 男人最忌冇上進心

【港女講感情】姊妹淘易惹猜忌 英皇「龍虎豹」走過16年最難得

容祖兒與劉浩龍,亦於上月傳出已分手的消息。(Instagram圖片)

+6
+5
+4

容祖兒話晒都係香港樂壇天后,個個失戀都要去K房唱Joey嘅歌,《16號情人》、《心淡》、《痛愛》簡直要好似Medley咁唱,咁多隻歌究竟邊隻先啱佢心情呢?

《天之驕女》入面一句「旁人話我看起你居然揀你/別理世間這麼勢利」好似幾啱佢,大家都覺得係劉浩龍襯唔起Joey,有傳去旅行Joey就劉浩龍坐經濟客位,劉浩龍又覺得委屈咗Joey,所以去親旅行佢哋都會嘈交。《心淡》又有句「春天分手/秋天會習慣/苦沖開了便淡」又okay喎,時間點差唔多,心淡幾乎係所有類型嘅失戀都啱唱,堪稱百搭失戀歌!又定係《流淚眼望流淚眼》呢?今年已經係38歲嘅事業女強人唔再係十幾歲𡃁妹失戀再喊苦喊忽,「如果仍然將從前再三哭訴是磨難/拭乾眼淚回去/亦算節省一晚」,及時抽身,當係「愛一個上一課」!

識唱嘅一齊跟住唱!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。