【果欄中的江湖大嫂】江嘉敏馮盈盈喊戲勁感人 網民讚睇到心酸

撰文:
最後更新日期:

江嘉敏呢場戲做得好好。

日前播出的無綫劇集《果欄中的江湖大嫂》有兩場戲睇到一班觀眾同網民好心悒,就是講勇哥 (黃嘉樂飾) 為了救女友黃友美 (江嘉敏飾) 而遭Kent (李天翔飾) 用石頭襲擊後腦,最後傷重致死。當友美攬住垂死的勇哥並聽勇哥遺言時,已經哭成淚人。江嘉敏亦演得非常入戲,呢場喊戲完全表達到她悲慟的心情,除了豆大的眼淚,仲喊到連鼻水都流埋,但卻一點也不浮誇,情感流露得好真摯感人,難怪不少網民都話睇到好心酸,甚至眼濕濕。之後江嘉敏在家中邊彈鋼琴邊想起同勇哥的甜蜜片段,再次悲痛落淚,呢場內心戲亦充滿感染力。

勇哥重傷垂危。

估唔到江嘉敏都咁好演技。

而身為勇哥細妹的小狼女 (馮盈盈飾) 到殮房認屍一幕同樣令人看得心碎,她一臉神情呆滯令人感到更加沈重,當她一見到勇哥的屍體,難以接受到阿哥經已離世,眼淚開始缺堤,哀傷的情緒逐漸崩潰,連說話的聲音都變得好高音,明顯是真係喊住咁講出來,完全演繹到失去唯一親人那種肝腸寸斷的傷痛。網民又再次睇到鼻酸。以馮盈盈首次拍劇來說,呢場戲演得相當唔錯。

彈琴呢幕戲都睇到人好心酸。

馮盈盈第一次拍劇演得相當唔錯。

真係喊得好傷心。

+26
+25
+24


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。