【冒險王衛斯理】張秀文為王晶大解放:有溝通應該除到咩程度

撰文:
最後更新日期:

內地男星葉項明被家棟迫到就快死,張秀文為救人不惜一脫。(影片截圖)

由王晶監製的網劇《冒險王衛斯理之支離人》由香港導演鍾少雄執導,並齊集林家棟、任達華以及余文樂三位重量級人馬做主角,貫頭徹尾都是電影班底製作。話晒都係王晶出品,女--當然少不了,劇中飾演白素的晶女郎胡然雖然有驕人身材,但或者係因為角色(國際刑警)關係,所以頭幾集都見佢打扮得非常之密實,而同樣擁有導彈身材,近年被封為「咪神」的張秀文(Sammi),在第二集就出現了大解放!

點解呢幕無正面shot先?!(影片截圖)

劇情講述飾演衛斯理表妹的張秀文與內地男星葉項明,被支離人(林家棟)捉拿後,因想逃走而受到死亡威脅,家棟一句「我點知你身上有無收埋武器」,張秀文唯有脫去上衣,露出粉紅色bra,短短幾秒已非常吸睛。張秀文接受電話訪問時,表示該場戲由於是將引發出正邪對決,所以拍攝時頗為緊張,沒有空去顧及尷尬這一環。「少少尷尬一定有,因為唔熟悉的工作人員同環境,但事前都導演以及家棟溝通晒。」

張秀文話拍呢幕時,由於食力不平均,搞到她超級痛。「我係咁叫,工作人員以為我做戲,幸好他們後來發現唔對路。」(影片截圖)

張秀文又謂《冒險王》是她入行8年較為戲份重的作品,能夠參與當中兼與家棟等人合作,除了開心就只有興奮,不過,她透露當初收到劇本時,對該埸戲的形容就只有「除衫」兩個字,後來再與導演溝通應該除到什麼程度。「睇劇睇咗好多次,係未應該要出現呢?唔係我性感開就無所謂,即係你都要說服到觀眾點解會咁發生,先說服到自己去拍,自己拍劇經驗唔算多,但可以用智慧去過濾呢件事會唔會好突兀。」問到是否因為非大台作品,所以不用顧及「禁色令」,她笑言:「我無諗喎,blur唔blur都唔太影響,自己日日都照鏡,所以又唔會好大期待,同埋呢一幕重點不在事業上。不過,如果大家想睇高清版,可以去myTV SUPER。」幫劇集宣傳之餘,又幫到公司賣廣告,叻女!
 

張秀文於第三集又再做人質,今次被吊在充滿食人魚的水缸上,她笑言過程似chok墨魚。「呢part體力上會辛苦,但我在現場拍攝時唔敢出聲,幸好家棟哥見未拍到我,叫工作人員放我抖抖先。」(影片截圖)

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。