鄭秀文力撐劉德華演唱會：日日做嘉賓都冇問題
撰文：賴家杰
出版：更新：
天后鄭秀文今日(10日)出席時尚品牌慈善企劃揭幕禮，活動中除了Sammi到現場支持外，仲有徐濠縈、周汶錡、楊張桑悅、歐陽娜娜等名人支持。許志安早前接受訪問講到想同Sammi夫妻檔一齊外訪貧民，其實Sammi都知道老公有此打算：「其實都幾有趣，大家都係分開做探訪活動，但一齊就未試過，所以一齊感受都唔錯。」
今日Sammi匆忙趕到現場（梁碧玲）
Sammi還透露最近忙於拍電影：「過去九個月到依家已經拍緊第四套電影啦，自己都好唔夠時間休息、一有時間就瞓啦，所以有時間都要休息一下。」而鄭秀文同劉德華呢一對「夢幻組合」將會再度合作，相信粉絲們都十分期待呢一部電影，Sammi表示：「其實仲未同華仔開始拍，但知道華仔已經試咗造型，佢收左劇本，因為華仔係一個好高要求嘅人，佢要研究前文後理先，不過而家已經好期待，因為好耐冇一齊合作。」
時裝活動點少得徐濠縈。（梁碧玲）
而劉德華將會再開演唱會，相信作為好朋友嘅Sammi一定會無條件咁全力撐場，Sammi笑言：「如果佢演唱會用得著我，我日日去幫手都冇問題，不過佢需唔需要我就唔知道啦。」華仔演唱會若果晚晚都會見到你台上做嘉賓，大家真係拍爛手掌呀。
內地女神歐陽娜娜更驚喜現身（梁碧玲）
演唱會黃牛黨問題一直都未能解決，最近華仔就講明取消內部認購，對於華仔呢個做法Sammi好感動，問到有網友希望以實名制賣票，Sammi回應：「如果實名際可以實行都可以嘗試一下，但知道對於某部份觀眾嚟講都係一件幾煩嘅事，所以凡事都有好同唔好，自己暫時仲未諗到辦法。」