A貨GD張明偉增肥20磅：希望擺脫GD影子

Tvb新晉小鮮肉張明偉今日（11日）在尖沙嘴海旁以Busking形式為自己有份主演嘅劇集「三個女人一個因」宣傳。身穿背心的張明偉現場表演時，都唔覺意展露一下手臂上嘅肌肉，張明偉表示：「其實自己都操咗唔多一年啦，早前拍劇都係演韓星，個陣實在太瘦啦，又唔健康，所以而家想增肥番少少，已經增咗20磅啦。」

張明偉入行7年，經常被指靠扮GD上位，對比張明偉表示：「自己都係GD粉絲，嗰陣拍嘅mv其實係對GD一個致敬，而家都好希望慢慢搵一條屬於自己嘅路。」講真要摸索屬於自己嘅路從來都唔容易，希望明偉能夠闖出一條新血路啦。