【三個女人一個因】黃智雯為演「方以因」：日日上網睇真人病例

《三個女人一個因》自播出以來都好受觀眾歡迎。無論是黃智雯劇中飾演的「方以因」、「菠蘿椰奶」抑或是「愁擘擘」都好，都吸引到不少粉絲，網上更出現不少人支持黃智雯「攞視后」。姑勿論黃智雯會不會奪得視后，其實黃智雯為了這部劇集可謂是落足心機，事前更做足資料搜集。

黃智雯出席今天（4月11日）的宣傳活動，在接受《香港01》訪問時，她說：「由我知道會開呢個劇到正式拍，我差唔多用咗半年時間準備。我有預先睇咗一套黑白電影，叫《三面夏娃》，入面個女主角又係一樣有3重人格。套戲係我第一次接觸『多重人格』。之後我就上youtube睇真人病例，原來佢哋會用鏡頭拍低自己嘅另一個人格俾返自己睇。甚至乎有啲結咗婚有埋小朋友，佢哋屋企人仲會同另外一個人格做埋朋友。呢半年時間我每日都會上youtube睇呢啲病例。」

除此之外，黃智雯為了更加投入去演「方以因」，更會看書或是其他電視劇。「電視劇嘅話，其實比較多人會講《kill me heal me》，電影啦，同埋網上做咗海量資料搜集。仲有一本書《24個比利》我成本都睇哂。」所以話，黃智雯這次的成功並非僥倖，而無數的努力所得。