【逆緣】林夏薇「眼鏡娘」造型大受好評 「我出街都戴眼鏡」
撰文：林迅景
出版：更新：
《逆緣》劇中，要說Aki（林夏薇飾）的另一個特色，就不得不提她的「眼鏡娘」造型。訪問時，就連林夏薇都知「眼鏡娘」造型大受網民歡迎：「我都有睇到，『眼鏡娘』吖嘛，咁咪好囉。我自己都鍾意呢個造型，呢個造型我都有份參與設計。我覺得同之前好唔同，因為以前我多數都係比較男人婆啲，而呢個中日混血兒就比較斯文溫柔，講嘢有比較輕啲，所以可能就會俾到大家有另一種感覺。（咩感覺？）唔…日式嘅感覺。」
相信唔少網友都覺得「眼鏡娘」呢個造型帶有濃厚嘅「日式」味道。（電視截圖）
睇完之後個個都話「心心眼」。（電視截圖）
問到林夏薇對Aki這個角色的參與度有多少，她說：「之前咪話《乘勝追擊》戴眼鏡上身冇著衫引起大家迴響，所以今次我都想試一試。同埋本身監製都有提議我戴眼鏡，（平時都係戴眼鏡？）我喺屋企都會戴，或者有時出街casual啲都會。（近視幾度？）200至300左右。，所以我都少戴，我戴咗眼鏡好似好眼瞓咁。（副眼鏡係私伙嘅？）係吖，所以我咪話我有份參與囉，因為我要揀一副適合自己又斯文啲嘅眼鏡。」
劇入面Aki戴嘅眼鏡，就係林夏薇自己平時用緊嗰副。（電視截圖）