【飛虎之潛行極戰】吳岱融做黑警 張兆輝苗僑偉中佬鬥chok

撰文:鄺鈺瑩
出版:更新:
做得飛虎,又得少得一副好body,55歲的張兆輝一啲都唔會輸蝕比黃宗澤。(網上圖片)

大家對《飛虎之潛行極戰》有期待,只因港產警匪題材喺大台長拍長有,無論係早年的《O記實錄》、《陀槍師姐》、《使徒行者》、《飛虎》且或最近於深夜重播的《刑事偵緝檔案》都有不俗的收視。

知道唔少吳岱融的往事(秘密)的苗僑偉,之後會遭到對方陷害。(網上圖片)

而身為警匪劇的鐵腳--苗僑偉最近就有部《飛虎之潛行極戰》推出,並加上黃宗澤、吳卓羲、張兆輝、王敏德、吳岱融、梁烈唯、黃智雯、陳凱琳、高海寧等等,單係數演出陣容都要成分鐘,故事由身為O記高級警司吳岱融由有把柄落在黑幫手中開始,頻頻受到梁烈唯、黃子桓這兩位要脅,而身為警司苗僑偉以及飛虎總督察嘅張兆輝,主力連同吳卓羲同黃宗澤呢兩兄弟負責追查真兇,由於劇情都係有final boss、黑警等,所以甚有《使徒行者》感覺。

相信如果《飛虎之潛行極戰》搵埋馬德鐘,成件事會更吸晴。(視覺中國)

劇集本月初於myTV SUPER以及優酷上架,頭幾集以吳岱融、張兆輝同苗僑偉為主,老戲骨chok得又演得,加上黃宗澤偶爾騷肌,以及連串的動作、爆破場面,為劇集帶來5億點擊率,不過,內地網民就認為唯一美終不足是少了做飛虎做到入形入格的馬德鐘,更指既然連王敏德都有份客串,點解唔搵埋馬德鐘呢?

 

飾演臥底的陳山聰兩集就被KO。(影片截圖)

劇情話說經常飾演警察角色的馬德鐘入行前,曾是皇家G4特警。2012年由佢、宣萱、羅仲謙擔正的《飛虎》被安排在星期六、日播出,但全劇平均收28點,兩年後,TVB再開拍《飛虎II》,繼續找來馬德鐘、羅仲謙擔正,但女主角換上鍾嘉欣,全劇平均得21點收視。近年,馬德鐘雖在內地發展,但仍有為TVB拍劇,《飛虎之潛行極戰》雖然同《飛虎》系列無關,但如果加埋馬德鐘的話,相信一班師奶最開心。

吳岱融同郭政鴻都分別係總警司同總督察,但同為黑警。(影片截圖)
吳卓羲嘅動作戲好似假咗少少喎。(影片截圖)
發表評論...