潘宗明fb晒汪明荃 梅小惠吳剛舊照:當年見同事多過屋企人

撰文:
最後更新日期:

呢個陣容真係可一不可再。(fb圖片)

唔知大家仲記唔記得《體育世界》潘Sir呢?早年移居加拿大嘅佢,在當地繼續做主持節目,而雖然他人在外國,但同TVB嘅同事依然感情要好,日前他在facbook上載了一張大合照,並問大家:「考眼光!認吾(唔)認得邊個你識嘅!」

早已移民加拿大的潘宗明在當地除做主持節目外,亦有登台,個樣無咩點變。(網上圖片)

睇睇呢張相,嘩!梅小惠、江欣燕、潘宗明、胡楓、汪明荃、潘芳芳、廖啟智、吳剛,全部都係當年王牌藝人同花旦小生,但有幾位已退居幕後,當中包括曾在《歡樂滿東華》飲油、食炭的吳剛師傅,早已轉戰飲食界,同友人合資的煌府婚宴專門店隨時你同我都有幫襯過;而自《皆大歡喜》後,淡出娛樂圈的梅小惠,相信大家依然會記得其著名金句:「梅小惠,世上最美麗」。舊照一出,唔少人都表示十分經典,而潘宗明亦有留言表示「當年上晝對稿,下午綵排,晩飯—大班人殺去肥姐,阿姐屋企,之後再番厰等live,—星期五日,忙到不亦樂乎,見同事多過屋企人!」足見大家感情要好。

曾在《歡樂滿東華》食炭、心口碎大石、飲滾油的吳剛,近年在像食界發展得有聲有色。(影片截圖)

江欣燕婚後曾淡出娛樂圈,但近年重返大台拍劇,於《逆緣》戲份亦不少。(資料圖片)

梅小惠於04年拍畢《皆大歡喜》後,慢慢淡出幕前。(網上圖片)

潘芳芳於94年曾經同過黃子華拍拖,由於當時女方比男方更有名氣,一段感情引來不少非議。多年來,潘芳芳在工作上都屬於默默耕耘,近年除了大台工作之外,她亦致力兒童語文教育工作。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。