周秀娜接受唔到男友幫佢拎手袋 ︰手袋係造型之一,我又唔係冇手

撰文:
最後更新日期:

周秀娜 (Chrissie) 單身多年至今仍未拍拖,到底要奪得Chrissie芳心可以點做?別以為向她大獻殷勤就可以,原來Chrissie接受不到男仔幫她拎手袋。今日她出席手袋品牌活動時,被問到可會接受到男仔幫女仔拎手袋時,她說:「我自己就接受唔到,如果係啲重嘢,例如shopping完買咗好多嘢,咁畀個男仔幫我拎梗係ok啦。但手袋我會自己拎,唔會畀個男仔拎,就算係佢自願話要幫我拎,我都唔會畀佢拎,會搶返,因為個手袋係我嘅造型之一,同埋我又唔係冇手。」

周秀娜唔會畀男仔幫佢拎手袋。(梁碧玲 攝)

Chrissie話接受唔到男人污糟邋遢。「咁樣不如唔好出街算啦。」(梁碧玲 攝)

她又指通常現在的男生都好注重形象,甚少會幫女仔拎手袋,但若果會拎也是出於好意想展現出gentleman的一面。至於男仔有咩行為她是接受不了的,Chrissie說:「我鍾意乾淨企理,接受唔到污糟邋遢,不修邊幅嘅人,咁樣不如唔好出街算啦。」提到早前她到泰國拍戲吃多了而自覺肥了不少,身材明明fit爆的她表示:「拍戲期間我懶做運動,覺得自己冇咗線條。」不過她即將出席金像獎頒獎典禮的戰衣,卻依然要改窄,她說:「外國size嘛。(會唔會性感上陣?)盡我能力以最靚姿態示人,咩都唔諗,最緊要靚。」

Chrissie話出席金像獎頒獎禮最緊要靚。(梁碧玲 攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。