【四囝】ViuTV短輯節目卻有好評 兒童不宜得嚟又好好笑
撰文：黃梓恒
出版：更新：
ViuTV雖然留意的人不多，但最近劇集出了一套《VR驅魔人》，都總算製造出一點聲音。其實自家劇從來都不是ViuTV的強項，但反而綜藝節目卻屢有新鮮感，追看程度絕對比劇集高。今次想講的是放在星期五晚凌晨12點30分播放的節目《四囝》。早前都已經有講過，這個節目最大亮點就是星夢娛樂的新晉歌手戴祖儀，不過睇咗三集，發現有第二個亮點。
ViuTV綜藝節目《四囝》其實會唔會教壞細路？（網絡圖片）
《四囝》這個節目名稱，你以為是四個男仔嗎？又不是，明明是三男一女的組合，那麼為何會選出這個節目名呢？答案很簡單，就是兒童不宜！雖然這個節目是圍繞著校園，利用課室的工具去構思一些遊戲，叫人在班房裡大玩特玩的確教壞細佬，但應該未至於兒童不宜吧？事實係，節目組會經常乘機利用戴祖儀，例如用她的腿去打開包裝紙，一眾男主持人（咸蛋、禮賢同學、Bingo）又要借故用面去貼近她的腳，或言語間調戲這位女神，主持人又會踩界疑似講不雅用語及成人笑話，場面的確不適合兒童觀看。話雖如此，這個節目無無聊聊輕輕鬆鬆又半個鐘，的確十分容易便看完了，絕對是消磨時間的小品。可惜原來今晚已經是最後一集，未知ViuTV會否再添食第二季呢？
觀眾看到這一幕，唔知會點諗呢？（網絡圖片）
+6