「招積」張建聲網上宣佈與陳嘉莉分手 原因係自己事業心太重

撰文:陳栢宇
出版:更新:

張建聲憑網劇《反黑》角色「招積」彈起,之後又接拍新戲《真‧三國無雙》飾演「張飛」,可以話真係愈來愈紅。感情方面,佢上年五月就承認同同公司藝人陳嘉莉(Kelly)拍拖,之前男方為黃子華主演嘅賀歲片《棟篤特工》宣傳時,仲孖住女朋友亮相,非常恩愛。點知張建聲剛剛就喺網上宣佈自己已經同Kelly分手一段時間:「跟大家說一聲,我們已經分開了一段時間,原因是我太事業心重而忽略了身邊人,從而少了溝通多了吵架,而兩個人相處所產生的問題亦不是一朝一夕的事,中間的離合數次都令我們成長不少,經過認真的考慮,我們決定先放手,各自專注於工作上。」

張建聲喺網上貼出自己同女友陳嘉莉嘅合照,並宣佈已同女友分開了一段時間。

張建聲非常感慨,字裡行間流露咗對呢段感情嘅惋惜:「如果時間能許可令我們遲一些遇上,我相信結果肯定不一樣,Kelly,感謝你給我這兩年喜與悲的回憶,亦多謝你的照顧、體諒和付出,希望無論在哪方面你都能幸福快樂,開開心心,感恩❤,多謝你⋯將來的事,就交給上天安排吧。」好多網友都留言安慰張建聲,望見佢同Kelly嘅合照亦感同身受咁。

張建聲話分手原因係太專注於工作。
發表評論...