【降魔的】余德丞蔡思貝關係被踢爆 男方解釋：緬甸兩星期熟咗
撰文：梁子健
出版：更新：
今午馬國明、林盛斌、陳凱琳、梁烈唯等一眾藝人現身紅磡，出席《降魔的捉妖遊戲》記者會。期間，阿Bob表示因為拍攝這節目的關係，人人為了勝利互相猜忌、彼此懷疑，令本來友好關係被破壞，除了一對男女，就是余德丞和蔡思貝。Bob更補充：「思貝今日唔出席，咪就係避席囉。」看來余德丞和蔡思貝關係不淺，不如看看余德丞怎樣解話。
余德丞表示在緬甸兩星期，跟蔡思貝已經變得熟絡。（黃國立攝）
「只不過 《降魔的捉妖遊戲》拍攝時間係我同佢啱啱喺緬甸返嚟無耐，我哋喺緬甸拍節目對咗兩個星期，所以都熟咗啲，睇吓佢眉頭眼額就大概估到佢係人定妖，所以大家先咁樣講笑啫。」余德丞以招牌笑臉解釋，更補充在遊戲中沒有特別幫助蔡思貝，只為大局著想，抱著公平的宗旨。不過，他隨即大呻遭遇不公平待遇的是自己，並感到很蝕底。
馬國明、余德丞、林盛斌、陳凱琳、梁烈唯等一眾藝人現身紅磡，出席《降魔的捉妖遊戲》記者會。（黃國立攝）
+2
「有個遊戲係雙手搽滿藍莓醬，蒙上雙眼去摸其他人嘅面，從而估返邊個打邊個。人人都有份摸同被摸，而我就被摸到成面醬，點知到我摸人嗰時就話完，哎呀，蝕晒！」以為佢真係好蝕，少年你太年輕了，因為阿Bob爆佢大鑊，指余德丞藉口練習，私下摸勻晒啲女仔，又耳背又耳珠。